Descripción

Data: Sábado, 12 de agosto de 2023

Horario: de 22 a 00hs

Ubicación: Granxa de Briz (Marín)

Esta carreira de Orientación consistirá en visitar no menor tempo posible tódalas balizas establecidas na orde que se indica no mapa.

Podedes facer a vosa inscrición (ata 4 participantes por equipo), elexindo algunha das seguintes categorías:

• Xestiñas: categoría para nen@s, sinxela física e técnicamente (menos de 3kms en total).
• Xestas: categoría para adult@s, nivel físico e técnico medio (menos de 4kms en total).
• Xesteiras: categoría para persoas con medios/altos coñecementos de orientación, nivel físico e técnico alto (máis de 5kms en total).

* Se queredes participar individualmente debedes facer inscricións separadas.

* As saídas serán escalonadas en tempo, non saíndo en ningún momento dúas persoas (ou equipos) no mesmo minuto.

A organización facilitaravos unha tarxeta electrónica para ir rexistrando o paso por cada unha das balizas. Debedes completar o percorrido (en orde), dende a saída ata a meta.

Ao rematar a proba poderedes consultar os resultados en tempo real coa axuda dun código qr que irá impreso no mapa.