1ª PROBA DA LIGA GALEGA DE ORIENTACIÓN EN BICICLETA DE MONTAÑA 2022 – PONTILLÓN

Boletín 2 – 1ª Proba MTBO Fegado 2022 – 190322 Pontillón do Castro

Data: Sábado 19 de marzo de 2022

Horario: de 15:30 a 18:30hs

Ubicación: Pontillón do Castro (Pontevedra)

Esta carreira de Orientación en bicicleta de montaña consistirá en visitar no menor tempo posible tódalas balizas establecidas na orde que se indica no mapa.

Podedes facer a vosa inscrición (ata 4 participantes por grupo), elexindo algunha das seguintes categorías:

• Iniciación Curta: categoría para nen@s (e adultos que acompañen), sinxela física e técnicamente.
• Iniciación Longa: categoría para nen@s con experiencia e adult@s, nivel físico e técnico medio.

* SÓ SE PERMITIRÁ A SAÍDA DAS PERSOAS INSCRITAS NA CARREIRA

* Se queredes participar en grupo, debedes indicalo en comentarios.

* As saídas serán escalonadas en tempo, non saíndo en ningún momento dúas persoas no mesmo minuto.

* A organización facilitaravos unha tarxeta electrónica para ir rexistrando o paso por cada unha das balizas. Debedes completar o percorrido (en orde), dende a saída ata a meta.

* Ao rematar a proba poderedes consultar os resultados en tempo real coa axuda dun código qr que irá impreso no mapa.

* Será imprescindible o uso da mascarilla en todo momento, salvo no propio intre do desenvolvemento da actividade (dende a saída ata a chegada e sempre que se manteña a distancia de seguridade de 1,5m).

* A organización facilitará para quen o desexe xel hidroalcohólico.